ఇజ్రాయెల్-పాలస్తీనా ఘర్షణలు నేపథ్యంలో హమాస్ యొక్క సాయుధ విభాగం “ఆపరేషన్ అల్-అక్సా ఫ్లడ్” ప్రారంభించినట్లు ప్రకటించింది.
20 నిమిషాల వ్యవధిలో 5,000 రాకెట్లను పేల్చినట్లు తెలిపింది.
గాజాలో కనీసం 198 మంది చనిపోయారు, అయితే ఇజ్రాయెల్‌లో 70 మంది మరణించారు, మిలిటెంట్ గ్రూప్ హమాస్ ఆకస్మిక దాడిలో 5,000 రాకెట్లను కాల్చారు.
ఇజ్రాయెల్, హమాస్‌పై యుద్ధం ప్రకటించింది. ఈ భీకర దాడికి ప్రతీకారం తీర్చుకుంటామని ప్రకటించింది. ఇజ్రాయిల్ వెంటనే వైమానిక దాడులు ప్రారంభించింది.
ఇజ్రాయెల్ ప్రధాని బెంజమిన్ నెతన్యాహు మాట్లాడుతూ తమ దేశం యుద్ధం ప్రారంభించిందని, హమాస్ ఈ చర్యకు భారీ మూల్యాన్నిచెల్లిస్తుందని అన్నారు.
“ఇజ్రాయెల్ పౌరులారా, మనము యుద్ధం చేస్తున్నాము. ఇది ఆపరేషన్ లేక ఘర్షణ కాదు – ఇది యుద్ధం. మరియు మనము తప్పక గెలుస్తాము. హమాస్ భారీ మూల్యాన్ని చెల్లిస్తుంది” అని అతను ఒక వీడియో సందేశంలో చెప్పాడు.
పండుగ సెలవు రోజు ఉదయం దేశవ్యాప్తంగా 5,000 రాకెట్లతో నమాజ్ ఇజ్రాయిల్ పై దాడి చేసింది. ఆ దేశ రక్షణ దళాలు కూడా ఉగ్రవాదులుగా భావించే హమాస్ మిలిటెంట్లు చొరబడ్డారని ఆరోపించారు. దాడిలో పారాగ్లైడర్‌లను ఉపయోగించారు. రోడ్లపై ప్రయాణిస్తున్న కార్లపై కాల్పులు జరిపారు.
ఇజ్రాయెల్‌పై యుద్ధాన్ని ప్రారంభించి, హమాస్ “తీవ్ర తప్పు” చేసిందని రక్షణ మంత్రి యోవ్ గాలంట్ అన్నారు.
“ఈ ఉదయం హమాస్ ఘోరమైన తప్పు చేసింది మరియు ఇజ్రాయెల్ రాష్ట్రంపై యుద్ధాన్ని ప్రారంభించింది. IDF దళాలు (ఇజ్రాయెల్ సైన్యం) ప్రతి ప్రదేశంలో శత్రువులకు వ్యతిరేకంగా పోరాడుతున్నాయి” అని గాలంట్ ఒక ప్రకటనలో తెలిపారు.
ఈ ఆకస్మిక ఘటనపై భారత ప్రధాని శ్రీ నరేంద్ర మోడీ గారు తీవ్ర దిగ్బ్రాంతిని వ్యక్తపరచారు.
“ఇజ్రాయెల్‌పై తీవ్రవాద దాడుల వార్తతో తీవ్ర దిగ్భ్రాంతికి గురయ్యాను. అమాయక బాధితులు మరియు వారి కుటుంబాలకై ప్రార్ధిస్తున్నాము. ఈ క్లిష్ట సమయంలో మేము ఇజ్రాయెల్‌కు సంఘీభావంగా నిలబడతాము” అని ప్రధాన మంత్రి శ్రీ నరేంద్ర మోడీ గారు అన్నారు.
ఇజ్రాయెల్‌లోని భారత రాయబార కార్యాలయం తన పౌరులను అప్రమత్తంగా ఉండాలని మరియు స్థానిక అధికారుల సలహా మేరకు భద్రతా ప్రోటోకాల్‌లను పాటించాలని కోరింది.
“దయచేసి జాగ్రత్త వహించండి, అనవసరమైన కదలికలను నివారించండి మరియు భద్రతా ఆశ్రయాలకు(Safety Shelters) దగ్గరగా ఉండండి” అని అది ఒక సలహాలో పేర్కొంది. భారతదేశ పౌరులు చేరుకోవడానికి ఒక హెల్ప్‌లైన్ మరియు ఇమెయిల్‌ను కూడా ఏర్పాటు చేసింది.
ఇజ్రాయెల్ డిఫెన్స్ ఫోర్సెస్ యుద్ధానికి సిద్ధంగా ఉన్నట్లు ప్రకటించింది. గాజా నుండి ఇజ్రాయెల్ భూభాగంలోకి విస్తృతంగా రాకెట్ కాల్పులు జరిగాయి మరియు ఉగ్రవాదులు వివిధ ఎంట్రీ పాయింట్ల ద్వారా ఇజ్రాయెల్ భూభాగంలోకి చొరబడ్డారు అని ఇజ్రాయెల్ దేశ సైన్యం వెల్లడించింది.
హమాస్ యొక్క సాయుధ విభాగం “ఆపరేషన్ అల్-అక్సా ఫ్లడ్” ప్రారంభించినట్లు ప్రకటించింది. “20 నిమిషాల మొదటి దాడి”లో 5,000 రాకెట్లను ప్రయోగించింది.
“జవాబుదారీతనం లేని నిర్లక్ష్యపు కాలం ముగిసిందని, శత్రువులు అర్థం చేసుకునేలా భగవంతుడి సహాయంతో వీటన్నింటికీ ముగింపు పలకాలని నిర్ణయించుకున్నామని “ హమాస్ ఉగ్రవాద నాయకుడు మహ్మద్ దీఫ్ రికార్డ్ చేసిన సందేశంలో తెలిపారు.
గాజా సరిహద్దు ప్రాంతాల్లోని ప్రజలు తమ ఇళ్లను వదిలి పారిపోతున్నారు. వందలాది మంది మహిళలు మరియు పురుషులు ఇజ్రాయెల్ సరిహద్దు నుండి దూరంగా, తమ ప్రాణాలను కాపాడుకోవడం కోసం పరుగులు తీస్తున్నారు.
“ఆక్రమణను అంతం చేయడానికి నిర్దిష్టమైన సరిహద్దులు గీయాలి” అని హమాస్ చెప్పిన ఒక రోజు తర్వాత హింస చెలరేగింది. ఇజ్రాయెల్ పాలస్తీనా భూమి అంతటా మరియు ముఖ్యంగా జెరూసలేంలోని అల్-అక్సా పవిత్ర స్థలంలో నేరాలకు పాల్పడుతూనే ఉందని ఆరోపించింది.
2007లో గాజాలో హమాస్ అధికారం చేపట్టినప్పటి నుంచి ఇజ్రాయెల్ మరియు పాలస్తీనా తీవ్రవాదుల మధ్య అనేక హింసాత్మక ఘర్షణలు చెలరేగాయి. గాజాకు చెందిన కార్మికులకు ఇజ్రాయెల్ తన సరిహద్దులను మూసివేసిన తర్వాత ఉద్రిక్తతలు పెరిగాయి.
ఈ ఏడాది ఇజ్రాయిల్ – పాలస్తీనా ఘర్షణల్లో ఇప్పటి వరకు 247 మంది పాలస్తీనియన్లు, 32 మంది ఇజ్రాయిలీలు, ఇద్దరు విదేశీయులు మరణించారు. వీరిలో సైనికులు మరియు సామాన్య పౌరులు కుడా ఉన్నారు.