మే 1 నుంచి ఏటీఎం ఛార్జీలు పెరుగుతాయి.. బ్యాలెన్స్ చెక్ చేసినా..

ప్రైవేట్ రంగంలోని ప్రముఖ బ్యాంకులలో ఒకటైన కోటక్ మహీంద్రా బ్యాంక్ తన కస్టమర్లకు షాక్ ఇచ్చింది. ATM (ఆటోమేటెడ్ టెల్లర్ మెషిన్) లావాదేవీలకు ఛార్జీలను పెంచడం ద్వారా కీలక నిర్ణయం తీసుకుంది.

రిజర్వ్ బ్యాంక్ ఆఫ్ ఇండియా మార్గదర్శకాలకు అనుగుణంగా ATM లావాదేవీ ఛార్జీలను సవరించినట్లు స్పష్టం చేసింది. మే 1, 2025 నుండి బ్యాంకింగ్ సేవలకు సంబంధించిన ప్రతి లావాదేవీకి రూ.23 రుసుము వసూలు చేయనున్నట్లు ప్రకటించింది.

ప్రస్తుతం ఈ ఛార్జీలు రూ.21. ATM ఛార్జీల పెరుగుదల గురించి తమ కస్టమర్లకు ఈ-మెయిల్ ద్వారా తెలియజేసినట్లు బ్యాంక్ తెలిపింది. ఈ కొత్త సవరించిన నియమాలు మే 1, 2025 నుండి అమల్లోకి వస్తాయి. ATMల నుండి డబ్బును ఉపసంహరించుకోవడం మరియు నిధులను బదిలీ చేయడం వంటి లావాదేవీలకు ఇప్పుడు ప్రతి లావాదేవీకి రూ.23 రుసుము వసూలు చేస్తామని బ్యాంక్ తెలిపింది.

అయితే, బ్యాలెన్స్ చెకింగ్ మరియు మినీ స్టేట్‌మెంట్ వంటి ఇతర లావాదేవీలకు రూ.10 ఛార్జీలు వర్తిస్తాయి. ప్రస్తుతం ఇవి రూ.21 మరియు రూ.8.50. అయితే, ఈ బ్యాంక్ తన కస్టమర్లు ప్రతి నెలా ATMల ద్వారా 5 లావాదేవీలను ఉచితంగా నిర్వహించడానికి అనుమతిస్తుంది. ఈ పరిమితి దాటితే ఛార్జీలు వర్తిస్తాయి.

ఒక రోజులో గరిష్ట ఉపసంహరణ పరిమితి బ్యాంకు ఖాతాను బట్టి మారుతుంది. కోటక్ ఎడ్జ్, ప్రో, ఎస్ ఖాతాలలో, ఒక రోజులో రూ. 1,00,000 వరకు ఉపసంహరించుకోవచ్చు. అదే ఈజీ పే ఖాతాలో, రూ. 25,000 వరకు ఉపసంహరించుకోవచ్చు.

ఈ పరిమితి కార్డు లేదా ఖాతా రకాన్ని బట్టి మారుతుంది. కొన్ని కార్డులకు రూ. 50 వేల వరకు పరిమితి ఉంటుంది. మార్చి చివరిలో ఐటీఎం ఛార్జీలను పెంచుతున్నట్లు రిజర్వ్ బ్యాంక్ ఆఫ్ ఇండియా ప్రకటించింది.

నిర్వహణ ఖర్చులు పెరగడం, ఏటీఎంల నిర్వహణ భారం కారణంగా ఈ మేరకు ఛార్జీలను పెంచాలని నిర్ణయం తీసుకున్నట్లు వెల్లడించారు. గతంలో 2021 మార్చిలో ఏటీఎం ఛార్జీలను పెంచింది. ఇప్పుడు మరోసారి దాన్ని సవరించింది.

ఈ కొత్త ఛార్జీలు మే 1, 2025 నుండి అమలు చేస్తామని ఆర్‌బీఐ కొన్ని రోజులుగా చెబుతోంది. ఈ నేపథ్యంలో కోటక్ మహీంద్రా బ్యాంక్ ఏటీఎం ఛార్జీల పెంపును అమలు చేస్తుండటం గమనార్హం.